“Araz-Naxçıvan”da çətin günlər başa çatır.
Ev oyunlarını keçirdiyi “Liv Bona Dea”dan ayrı düşən Muxtar Respublika təmsilçisi tezliklə ora qayıdacaq.
Sentyabrın ikinci ongünlüyündə otun “müalicəsinə” görə təmirə bağlanan stadionda işlər başa çatmaq üzrədir. Yaxın 3-4 gün ərzində təmir işləri yekunlaşacaq.
Belə olduğu halda, gündəlik məşqlər üçün Buzovnadakı “Baku Sportinq Arena”ya sığınan “qırmızı-ağlar” Mərdəkana qayıdacaq, rəqiblərini də orada qəbul edəcək. Daha qapı-qapı stadion axtarmağa gərək qalmayacaq.
Maraq üçün bildirək ki, oktyabrın 25-də “Liv Bona Dea Arena”da qadınlardan ibarət Azərbaycan və Portuqaliya milli komandaları üz-üzə gələcək.
Bir gün sonra Premyer Liqanın 11-ci turu çərçivəsində “Araz-Naxçıvan” “Zirə”ni qəbul edəcək.
HƏBİB / SPORTİNFO.AZ