"Araz-Naxçıvan"ın yarımmüdafiəçisi Miço Kuzmanoviç Sportinfo.az-a müsahibə verib.
- Premyer Liqanın 9-cu turunda "Sabah"la bərabərə (1:1) qaldınız. Qarşılaşmanı necə şərh edərdin?
- Maraqlı oyun oldu. Rəqibin yaxşı komanda olduğunu bilirdik. Çoxlu keyfiyyətli futbolçuları var. Bu səbəbdən də yaxşı görüş keçirdiyimizi düşünürəm.
- 4 oyunluq qələbə seriyasının davamını gətirməyə nə mane oldu?
- Məncə, güclü, yaxşı təşkilatlanmış rəqibimiz olan "Sabah" buna mane oldu. Onlar həqiqətən yaxşı komandadır və biz bunu bilirdik.
- Əsas rəqiblə matçda 1 xal qazandınız, yoxsa 2 xal itirdiniz?
- Geri dönüş edib qalib gəlmək şansımız var idi. Amma “Sabah”ın da şansları oldu. Düşünürəm ki, nəticə oyunun gedişinə uyğundur.
- Artıq 7 matçdı komanda uduzmur. Belə uğurlu seriyanı yaxaladığınız məqamda milli fasilənin yaranması komandaya necə təsir edə bilər?
- Düşünürəm ki, əvvəlcə yaxşı dincəlməyimiz vacibdir. Fasilədə isə əvvəlki kimi yaxşı ritmdə oynamağa davam etmək üçün daha da çox çalışacağıq.
- Birinci dövrəni 3-cü pillədə tamamladınız. Mövsüm sonu hansı pillədə olmağı arzulayırsan?
- Bu haqda danışmaq tezdir. Lakin biz oyundan-oyuna performansımızı artırmağa çalışırıq. Ona görə də mövsümün sonunda həqiqətən layiq olduğumuz yerdə olmağa çalışacağıq.
XANOĞLAN İMANOV