.jpg)
Ötən mövsümün sonunda “Neftçi"dən ayrılan Ataa Caberin Azərbaycana qayıdışı problemə dönüb.
İki aydır klubsuz qalan yarımmüdafiəçi "Araz-Naxçıvan"la müqavilə imzalamağa razılaşıb, fəqət, hələ də bura gəlib çıxmayıb,
Fələstin yığmasının üzvü xanımının hamilə olmasını əsas gətirərək, Bakıya uçuş biletinin vaxtını yenidən dəyişib.
Orta sahə oyunçusu həyat yoldaşını bu vəziyyətdə tək buraxmaq istəmədiyini bildirib.
Qadının «hava gəmisi» ilə səyahət etməsi isə mümkün deyil. Çünki həkimlər bunu ona qadağan edib.
Caber yalnız övladının dünyaya gəlməsindən bir müddət keçmiş Bakıya gələ biləcəyini söyləyib.
Ataa 2022-2024-cü illərdə "Neftçi"də çıxış edib. "Ağ-qaralar"ın heyətində meydana çıxdığı 58 rəsmi matçda 9 qol və 7 məhsuldar ötürmə ilə yadda qalıb.
SPORTİNFO.AZ
