.jpg)
"Araz Naxçıvan"ın braziliyalı forvardı Ramon Maçado Premyer Liqanın 2-ci turunda "Şamaxı"nı məğlub etdikləri (1:0) matç haqda Sportinfo.az-a müsahibə verib.
- Mövsümdəki ilk qələbə barədə düşüncələrin necədir?
- Bizim hələ inkişaf etdirməli olduğumuz çox şey var. Amma hər bir halda Elmar müəllimin işini davam etdirməsi üçün qələbələr qazanmaq çox vacibdir.
- Yeganə qolun müəllifi olsan da sanki hələ də formada deyilsən. Bu, nə ilə bağlıdır?
- Buna cavab verməyəcəyəm.
- Autsayderlə oyunda daha rahat qələbə qazanacağınızı ehtimal etmək olardı. Rəqib yaxşı mübarizə apardı, yoxsa "Araz" hələ istənilən formada deyil?
- Çox çətin matç oldu, “Samaxi” yaxşı komandadır.
- Kristian Avram iki epizodda komandasını real qoldan xilas etdi. Matçın qəhramanı odur, yoxsa yeganə qolun müəllifi olan sən?
- Bütün komanda uğur qazandı, biz qrup şəklində işləyirik, komandamızda qəhrəman yoxdur.
- Qarşıdan hazırda çox yaxşı formada olan "Zirə" ilə görüş gəlir. Qələbənin ardını gətirmək mümkünsüz görünmür?
- Yaxşı hazırlaşacağıq, amma bilirik ki, “Zirə” favoritdir və dövrünün yaxşı vaxtını keçirir.
XANOĞLAN İMANOV
.jpg)
