![Premyer Liqada beşinci klubla kontrakta imza atdı](https://www.sportinfo.az/media/2024/06/20/448791226_1086744899644212_222920028419958765_n.jpg)
“Araz-Naxçıvan” klubu növbəti transferini reallaşdırıb.
Klubun mətbuat xidmətindən Sportinfo.az-a verilən məlumata görə, Turan Vəlizadə ilə müqavilə imzalanıb.
Yarımmüdafiəçi qarşıdakı 1 il ərzində “qırmızı-ağlar”ın heyətində yer alacaq.
23 yaşlı futbolçu “Neftçi”, “Keşlə”, “Şamaxı” və “Turan Tovuz”un formasını geyinib. O, karyerası ərzində 19 və 21 yaşadək futbolçulardan ibarət Azərbaycan millisinin uğurları üçün də çalışıb.
“Araz-Naxçıvan” buna qədər Kristian Avram, Vadim Abdullayev, Nuno Rodriges, İqor Ribeyro, Miço Kuzmanoviç, Vanderson Melo, Elçin Mustafayev, Ramin Nəsirli, Tərlan Əhmədli, Urfan Abbasov, Ömər Buludov və Ülvü İsgəndərovla da müqavilə bağlayıb.