"Araz-Naxçıvan” qış transfer pəncərəsi dövründə ilk transferini rəsmiləşdirməsindən xəbərdarsız.
Mərakeşəsilli belçikalı yarımmüdafiəçi Əyyub Allaşla 6 ay +1 illik müqavilə imzalanıb.
27 yaşlı legionerin son klubu “Şerif” olub.
Ərəb Azərbaycana qayıtmaq üçün Moldova klubu ilə 2 illik müqaviləsinə vaxtından əvvəl xitam verib. Kontraktını qarşılıqlı razılaşma əsasında pozan Allaşın orada illik qazancının 180 min avro olmasını bildirək.
Əyyub maliyyə şərtlərində "Araz-Naxçıvan”a xeyli güzəştə gedib. Muxtar Respublika təmsilçisi qarşıdakı 4 ayda ona 15 min dollar əməkhaqqı ödəyəcək.
Növbəti mövsümdə isə məvacibi bir qədər qaldırılacaq.
O, karyerası ərzində “Lyers”, “Svope Park Reyncers”, “Lyers Kempenzone”, həmçinin 2023-cü ilin qışından 2024-cü ilin yayına qədər “Qəbələ”nin formasını geyinib.
Orta sahə oyunçusu son mövsüm "qırmızı-qaralar"ın heyətində meydana çıxdığı 40 rəsmi matçda 7 qol və 10 məhsuldar ötürmə ilə yadda qalıb.
Hücumameyilli yarımmüdafiəçi Mərakeşin U-20 milli komandasında da çıxış edib.
SPORTİNFO.AZ
.jpg)
