«Qaradağ Lökbatan» məşqçisi Tamerlan Məmmədovla vidalaşıb.
Bu, I Liqanın 20-ci turunda baş verən hadisəyə görədir.
Belə ki, qəsəbə təmsilçisi "Cəbrayıl"la qarşılamanda adını iştirak ərizəsinə daxil etmədiyi 2 futbolçunun xidmətindən yararlanıb.
«Qaradağ»lılar 0:0 bitən matçda iranlı yarımmüdafiəçi Naxamaneş Neyijvanuş və Ramin Məhərrəmlini meydana buraxıb. Hər iki oyunçu əvəzetmədən qazona ayaq basıb.
Ramin Məhərrəmli fasilədə Coşqun Əsədzadənin yerinə forma geyinibsə, Naxamaneş Neyijvanuş 72-ci dəqiqədə Fərid Mahmudovu əvəzləyib.
Odur ki, AFFA tərəfindən cəzalandırılacaqlar. İntizam Komitəsi onlara 0:3 hesablı texniki məğlubiyyət verəcək.
QL rəhbərliyi olayı araşdırıb. Məlum olub ki, burada Amit Quluzadənin heç bir təqsiri yoxdur.
Komandanın çalışdırıcısı 18 nəfərlik iştirak ərizəsini köməkçisinə təqdim edib. T.Məmmədov isə işinə məsuliyyətsiz yanaşıb, protokolu I Liqanın onlyan sisteminə yarımçıq yükləyib.
Analitik vəzifəsini yerinə yetirən yardımçı ora cəmi 16 futbolçunun adını qeyd eləyib.
SPORTİNFO.AZ
