Məşqçi idmançıları soyundurub?Bədii gimnastika üzrə İsrail milli komandasının məşqçisi Cülyetta Kantaluppi idmançılara qarşı zorakılıq ittihamı ilə İtaliya Gimnastika Federasiyası tərəfindən araşdırılır.

Sportinfo.az xəbər verir ki, bu barədə “Gazzetta dello Sport” məlumat yayıb.

Mənbənin sözlərinə görə, araşdırma zamanı Kantaluppinin keçmiş köməkçisi Olqa Tişina ilə digər məşqçi Nataliya Nesvetova arasında 2022-ci ilin noyabrında telefon danışıqları üzə çıxıb. Həmin vaxt Kantaluppi Paris Olimpiadasının bürünc mükafatçısı Sofiya Raffaeli ilə birlikdə çalışdığı “Fabriano” klubunda məşq edirdi.

“Kantaluppi ilə daha pisdir. O, Raffaeli və Serena Ottavianini halqa atmağa məcbur etdi və hər dəfə səhv etdikdə paltarlarının bir hissəsini çıxarmalı oldular. Və sonda onlar yalnız alt paltarında qaldılar”, – deyə Tişina telefon danışığında bildirib.

Həmçinin bildirilir ki, Kantaluppi gimnastları oturduqları yerdə yaxşı məşq etmədikləri üçün onları kiçik, soyuq otaqda kilidləyib. Bundan əlavə, o, Raffaeli səhv yerinə yetirdiyi bir məşq üçün diz çöküb bağışlanması üçün yalvarmağa məcbur edib. Lakin 2023-cü ildə İsrail millisi ilə çalışmağa başlayan Cantaluppinin metodlarından rəsmi şikayət olmayıb.

Raffaeli özü “İnstaqram”da yazıb ki, bu günlərdə mediada yayılanlar tamamilə həqiqətə uyğun deyil. O, “Mənimlə Cülyetta arasında münasibət həmişə xüsusi olub. Mənim adımdan və Fabriano klubunun adından istifadə edərək bizi maraqlandırmayan məsələlərə qarışmayın. İcazə verin, gimnastikamı rahatlıqla edim”.

Qeyd edək ki, martın sonunda İtaliya Gimnastika Federasiyası (FGI) idmançılara qarşı sui-istifadə iddiaları fonunda İtaliyanın bədii gimnastika komandasının məşqçisi Emanuela Maccaraninin təxminən 30 illik cəzalandırıb.