Avrokubokların 2025-ci ildəki ilk oyun həftəsindən sonra dünyanın ən güclü məşqçilərinin reytinq cədvəli açıqlanıb.
Sportinfo.az xəbər verir ki, siyahıda planetin 500 ən güclü mütəxəssisi yer alıb.
Cədvəldə yeganə azərbaycanlı məşqçi Qurban Qurbanovdur. “Qarabağ”ın baş məşqçisi 1638 xala malikdir. O, dünyada 170-cıdır.
FCSB-ya 2:3 hesablı məğlubiyyətdən sonra 52 yaşlı mütəxəssis 12 pillə geriləyib. Buna 8 xalın itirlməsi səbəb olub.
“Turan Tovuz”un baş məşqçisi Kurban Berdıyev 1796 xalla dünyada 55-cidir. O, 1 addım geriləyib.
Millimizi çalışdıran Fernando Santuş 1624 xalla siyahıda 187-cidirr. Portuqaliyalı mütəxəssis mövqeyini 3 pillə itirib.
Siiyahıya “Mançester Siti”nin 2150 xala malik çalışdırıcısı Pep Qvardiola başçılıq edir.
