Bakı Şəhər Gənclər və İdman Baş İdarəsinin 1 milyonluq yeyintidə ittiham olunan sabiq rəisi Raqif Abbasov və eyni idarənin maliyyə-iqtisadiyyat sektorunun müdiri Eldəniz Qulamovun məhkəməsi başlayıb.
Sportinfo.az xəbər verir ki, Bakı Ağır Cinayətlər Məhkəməsində keçirilən iclasda təqsirləndirilən şəxslərin anket məlumatları dəqiqləşdirilib.
Eks-vəzifəlilərin hər ikisi zalda iştirak etsələr də, Qulamovun vəkili gəlməyib. Bu səbəbdən işin baxışa təyin edilməsi müzakirə olunmayıb.
Təqsirləndirilən şəxslərin ikisi də xüsusilə külli miqdarda mənimsəmədə ittiham edilir.
Onlardan Raqif Abbasov hazırda Naxçıvan Futbol Federasiyasının baş katibi vəzifəsində çalışır.
