Premyer Liqada mövsümün ikinci yarısı nisbətən tez başlayacaq.
Sportinfo.az xəbər verir ki, bu dəfə komandalar yanvarın ikinci ongünlüyündə mübarizəni bərpa edəcəklər.
Amma bu, iki futbolçuya aid olmayacaq. Söhbət 2024-cü ilin sonunda cəzalı duruma düşənlərdən gedir.
Hər iki belə oyunçu da “Turan Tovuz”dadır. Şəhriyar Əliyev və Aleks Souza üçün 2025-ci il gec başlayacaq.
Onlar XIX turun “Kəpəz”lə matçını sarı vərəqə limitinə görə buraxacaqlar. Şəhriyar 8, Aleks 4 xəbərdarlıq aldığı üçün XX turu gözləyəcək.
"Kəpəz” – “Turan Tovuz” qarşılaşması yanvarın 19-da keçiriləcək.
