Avropa Liqasında "Qarabağ"la üz-üzə gələcək "Lion" Bakıya uğursuz statistika ilə gəlib.
Sportinfo.az xəbər verir ki, Pyer Sajın baş məşqçisi olduğu kollektiv keçirdiyi son 6 rəsmi oyunun yalnız birində qələbə qazana bilib.
Komanda oktyabrın 24-də evdə Türkiyə təmsilçisi "Beşiktaş"a Avropa Liqasının Liqa mərhələsinin III turunda uduzub - 0:1.
"Lion" bu məğlubiyyətdən sonra Liqa 1-də "Oser" (2:2) və "Lill" (1:1), Avropa Liqasında isə Almaniya təmsilçisi “Hoffenhaym” (2:2) ilə bərabərə qalıb.
Yalnız noyabrın 10-da Liqa 1-də "Sent Etyen"i 1:0 hesabı ilə üstələyən klub 4 gün əvvəl isə "Reyms"in müqavimətini qıra bilməyib - 1:1.
Avropa Liqasının Liqa mərhələsinin V turunun noyabrın 28-də Tofiq Bəhramov adına Respublika stadionunda təşkil ediləcək "Qarabağ" - "Lion" oyunu saat 21:45-də start götürəcək.
