Kələm sonsuz faydaları olan möcüzəvi tərəvəzlərdən biridir.

Kələmdə çoxlu lif, zülal və C və K vitaminləri var. Natrium və kalium komponentləri ilə zəngindir.

Tərkibində həmçinin dəmir, maqnezium, kalsium, fosfor, manqan və sink var.

Güclü antioksidant xüsusiyyətlərə malik kələm ürək-damar xəstəlikləri riskini azaldır. Bu xüsusiyyəti sayəsində pis xolesterini azaltmağa kömək etdiyi də deyilir.

Kələm tərkibindəki kalium sayəsində təzyiqi tarazlamağa kömək edir. Bu xüsusiyyət qan təzyiqi problemi olanlar üçün ən əhəmiyyətli faydalardan biri hesab olunur.

Kələm orqanizmi yad maddələrdən qoruyan antioksidant xüsusiyyətləri sayəsində immunitet sistemini gücləndirir. Bağırsaqdakı faydalı bakteriyalara müsbət təsir göstərir.

Bundan başqa, kələm həzm sisteminin sağlam işləməsinə kömək edir. Tərkibində A vitamini olduğu üçün müntəzəm istehlak edildikdə göz sağlamlığına müsbət təsir edir.

Kalorisi az və qidalı liflə zəngin olduğu üçün arıqlamaq istəyənlər qida rasionlarla rahatlıqla əlavə edə bilərlər.

Digər tərəvəzlərə nisbətən daha çox C vitamini ehtiva edən ağ kələm infeksiyalara qarşı qoruyucu təsirə malikdir. 100 qramda istehlak edildikdə, C vitamini ehtiyacının təxminən 45 faizini qarşılayır.

B qrupu vitaminləri ilə zəngin bu tərəvəz sinir sistemi üçün çox faydalıdır. İmmunitet gücləndirici xüsusiyyətlərə də malikdir. Ağ kələmin təxminən bir hissəsi istehlak edildikdə, B vitamini ehtiyacının yüzdə 15-i qarşılanır.

Kələm güclü antioksidant xüsusiyyətlərə və xərçəngə qarşı qoruyucu xüsusiyyətlərə malikdir. İmmuniteti təsir edən xəstəliklər, qaraciyər xəstəlikləri, diabet və piylənmə kimi bəzi xəstəliklərə qarşı da qoruyucudur.

Həftədə iki dəfə istehlak etmək məsləhətdir.