Gələn həftə "Ayaks"ın 460 azarkeşi Bakıya gələcək.
Sportinfo.az xəbər verir ki, bu haqda haqda qol.az-a Niderland klubuna yaxın mənbə məlumat verib.
Onlar oktyabrın 24-də Tofiq Bəhramov adına Respublika Stadionunda keçiriləcək Avropa Liqasının 3-cü turunun "Qarabağ" - "Ayaks" oyununu stadionda canlı izləyəcəklər.
Bu məqsədlə Tofiq Bəhramov adına stadionun bir sektoru qonaq komandanın fanatlarına ayrılıb.
"Qarabağ"ın mətbuat xidmətindən QOL.az-a verilən açıqlamada məlumat təsdiqlənib.
2 turdan 4 xalı olan "Ayaks" 6-cı, "Qarabağ" isə 0 xalla 34-cü yeri tutur.