«Araz-Naxçıvan»ın məşqçisi Əfran İsmayılov başqa bir klubda da fəaliyyət göstərməyə başlayıb.
Hələlik qeyri-rəsmi olaraq.
O, «Şəfa»dan gələn dəvəti qəbul edib. II Liqada yarışan klub millinin sabiq yarımmüdafiəçisinə müşavir postunu həvalə eləyib.
İsmayılovun görəvi məşqçilərin fəaliyyəti, ayrı-ayrı futbolçular barədə rəy vermək, komandanın ümumi çıxışını dəyərləndirmək, məsləhət verməkdir.
Onun fəaliyyətini ilyarım öncə bərpa etmiş paytaxt təmsilçisi ilə yaxınlığı təəccüblü görünə bilər. Soruşa bilərsiz ki, Əfran hara, onlar hara?
Məlumunuz olsun ki, «Şəfa»nın yeni himayədarları İsmayılovun dostlarıdır. Uzun müddətdir münasibətdədirlər.
SPORTİNFO.AZ
