![Transfer qiyməti 40 milyon avro olan hücumçu klubunu dəyişdi](https://www.sportinfo.az/media/2024/07/20/gii.jpg)
"Ștutqart"ın hücumçusu Seru Girassi karyerası ilə bağlı qərar verib.
Sportinfo.az xəbər verir ki, bu barədə məlumatı "arılar"ın mətbuat xidməti yayıb.
Bildirilib ki, 28 yaşlı futbolçu Dortmund "Borussiya"sına keçib. O, bundan sonra karyerasını Almaniya nəhəngində davam etdirəcək.
Girassinin 2028-ci ilin yayına qədər olan müqaviləyə imza atdığı bildirilib.
Seru cari qarşılaşmalarda 30 qol və 3 məhsuldar ötürmə ilə yadda qalıb. Onun transfer qiyməti 40 milyon avro ilə dəyərləndirilir.