Yarımmüdafiəçi Kevin De Bruyne cari mövsümün sonunda “Mançester Siti”ni tərk edəcəyini açıqlayıb.
Sportinfo.az xarici KİV-ə istinadən xəbər verir ki, belçikalı futbolçunun bu açıqlamasına onu əvvəlki klubu olan “Volfsburq” reaksiya verib:
“Kevin, hələ unutmadın ki? 10 il əvvəl mən və sən? Bəlkə, yenə bir yerdə olaq?”
De Bruyne 2015-ci ildə “Volfsburq”u “Mançester Siti”yə dəyişib. O, “şəhərlilər”lə birgə 16 titul qazanıb.
Futbolçu cari mövsümdə “Mançester Siti” ilə 31 oyuna çıxıb, 4 qol vurub və 7 məhsuldar ötürmə edib.
