“Bayern”in sabiq qapıçısı Zepp Mayer hesab edir ki, Münhen klubunun futbolçusu Tomas Müller tezliklə peşəkar karyerasını başa vuracağını elan edəcək.
Daha əvvəl “Bayern”in 35 yaşlı Müllerlə yayda başa çatacaq müqaviləni uzatmağı planlaşdırmadığı barədə məlumatlar yayılıb.
Sportinfo.az “Sky Sports”-a istinadən xəbər verir ki, almaniyalı keçmiş qolkiper bu qərarı başa düşmədiyini bildirib:
“Mən bu qərarı başa düşmürəm. Bu oyunçular klubdur, onlar onun ruhudur.
Belə uşaqlar gedəndə klub özünün bir hissəsini itirir. Müller karyerasını bitirəcək.
Amerikada və ya Dubayda nə etməlidir? Onun Münhendə ailəsi, arvadı, atları və onu xoşbəxt edən hər şey var”.
Almaniyalı hücumçu klubda keçirdiyi matçların sayına görə “Bayern”in rekordçusudur. O, bu göstəricidə ötən ilin sentyabrında Zepp Mayeri (709) qabaqlayıb.
