“Nürnberq”in II Bundesliqada uğursuz çıxışı davam edir.
Sportinfo.az xəbər verir ki, Azərbaycan millisinin hücumçusu Mahir Emrelinin komandasının son dönəmlərdəki çıxışı artıq azarkeşləri dilə gətirib.
Fanatlar kollektivin çempionatın son 6 matçında qələbə üzünə həsrət qalmasından ciddi narazıdır.
“Qırmızılar” oktyabrın sonlarından bəri keçirdiyi qarşılaşmaların 3-də heç-heçə edib, 3 dəfə isə məğlub olub.
Artıq liderlər qrupundan xeyli uzaq düşən “Nürnberq”in baş məşqçisi Miroslav Klozenin də postu laxlayıb.
Düzdür, rəhbərlik mütəxəssisə hələ də ümid bəsləyir. Ancaq fanatların bir qismi artıq Klozenin istefasını tələb edirlər.
Vəziyyət bu cür davam edəcəyi təqdirdə, Klozenin istefasını istəyənlərin sayı artacaq və rəhbərlik radikal addım atmalı olacaq.
Hazırda “Nürnberq” turnir cədvəlində 22 xalla 11-cidir. “Braunşveyq” isə 13 xalla 17-ci pillədə qərarlaşır.
M.Emreli bu mövsüm “Nürnberq”in heyətində bütün turnirlərdə 13 oyunda meydan çıxıb, 4 qol vurub və 1 qolun ötürməsini edib. O, son 6 matçda fərqlənə bilməyib.
