“Bayern”in idman direktoru Kristof Freund Harri Keynin zədələnməsindən sonra qışda bir hücumçu ilə müqavilə bağlamaq fikrində olmadıqlarını bildirib.
Sportinfo.az “Bayern&Germany”-ə istinadən xəbər verir ki, klub rəsmisi heyətlərinə tam güvəndiklərini söyləyib:
“Heyətimizə tam güvənirik. Əlbəttə, Harri Keyn xüsusi oyunçudur və onu əvəz etmək olmaz.
Amma bizim başqa hücumçu almağa imkanımız yoxdur.
Baş məşqçimizin artıq dediyi kimi, bir çox variantımız var, hücumda yaxşı oyunçu seçimimiz var”.
Mətbuatda yayılan xəbərlərə görə, 31 yaşlı hücumçunun sağalması iki həftə çəkə bilər. Onun komandası Almaniya çempionatının turnir cədvəlinə başçılıq edir.
