.jpg)
Camal Musiala mütəmadi olaraq transfer söz-söhbətlərinin mövzusu olur.
Sportinfo.az xarici KİV-ə istinadən xəbər verir ki, “Bayern” istedadlı oyunçunu öz sıralarında saxlamaqda qərarlıdır.
Münhen klubu artıq Musiala ilə müqavilənin uzadılması ilə bağlı danışıqlara başlayıb.
21 yaşlı yarımmüdafiəçinin klubla hazırkı müqaviləsi 2026-cı ilin ortalarına qədərdir.
“Bayern” və almaniyalı futbolçu arasında danışıqların başlanğıcı müsbət keçib, onların gələcək hədəfləri üst-üstə düşür. Münhenlilər ona klubda nə qədər dəyərli olduğunu başa salıb.
“Mançester Siti” Musialanı Kevin De Bruynenin yerinə almaq istəyir. “Şəhərlilər” onun üçün 100 milyon avro ayırmağa hazırdır.
