“Bayern” rəhbərliyi hücumçu Mateys Tili növbəti transfer pəncərəsində icarəyə verməyi planlaşdırmır.
Sportinfo.az xarici KİV-ə istinadən xəbər verir ki, klubun idman direktoru Kristof Freund əmin edib ki, onlar fransalı futbolçunu ən azı cari mövsümün sonuna qədər saxlamaq niyyətindədirlər:
“Yanvarda Tilin icarəyə verilməsi məsələsi müzakirə olunmur. O mövsümöncəsi oyunlarda yaxşı təsir bağışladı
. Hələ çox gəncdir, uzun müddətdir ki, bizimlədir. Həmişə özünü tənqid edir və hər gün öz üzərində çox çalışır. Mən onun üçün narahat deyiləm”.
19 yaşlı forvard bu mövsüm Almaniya Bundesliqasında 2 oyunda forma geyinib.