![Prezident: “Klubumuza maraq göstərən iş adamları var, danışıqlar gedir”](https://www.sportinfo.az/media/2024/08/04/438172084_1366235711435902_3578285448194971055_n.jpg)
«Klubumuza maraq göstərən iş adamları var».
Bu sözləri Sportinfo.az-a açıqlamasında «Şəmkir»in prezidenti Vüsal Məmmədov deyib.
İkiqat ölkə çempionu II Liqada ikinci mövsümünə hazırlaşır.
Bir müddət əvvəl Qəbələdə təlim-məşq toplanışı keçən və son günlər heyətinə bir neçə yeni oyunçu qatan «ağ-qırmızılar» çempionatın iddialıları sırasına daxil olmaq niyyətindədir.
V.Məmmədov yerli sponsorlarla danışıqların getdiyini, qarşıdakı həftələrdə bu məsələdə yenilik gözlədiyini bildirib.
O, həmçinin qeyd edib ki, yerli Olimpiya Kompleksinin stadionunda müəyyən təmir işləri görməyi planlaşdırırlar.