![Fəaliyyətini bərpa edən kluba BƏD XƏBƏR](https://www.sportinfo.az/media/2024/07/20/452134739_793789482914369_7636239809672632240_n.jpg)
Bir neçə illik fasilədən sonra fəaliyyətini dayandıran «Şahdağ» növbəti mövsümdə də Qusara dönə bilməyəcək.
Bu, Şövkət Orduxanovun adını daşıyan stadionla bağlı problemdir.
II Liqada ikinci mövsümünü keçirəcək komanda rəqiblərini yenə Şamaxıda qəbul edəcək. Elnur Abdullayevi sükan arxasına gətirən şimallıların Etibar Pirverdiyevin ümidinə qalıb.
«Azərenerji «ASC-nin sabiq prezidenti nə vaxt vəsait ayırsa, arenada tikinti işləri bərpa olunacaq. Burada isə işlər artıq 5 aydır dayanıb.
Qusarda inək və dəvə fermaları açdığı deyilən Pirverdiyevin sonuncu dəfə nə vaxt tikinti sahəsinə baş çəkməsini xatırlayan yoxdur. Nə özü bura gəlir, nə də adamları.
Yerli futbolsevərlərin redaksiyamıza bildirdiyinə görə, Pirverdiyevin maliyyə vəziyyəti əladır, ancaq nədənsə stadionun inşasına ciddi əhəmiyyət vermir.
SPORTİNFO.AZ