I Liqaya iki vəsiqənin sahibi bəlli olub.
Sportinfo.az xəbər verir ki, bu, II Liqada XX turun ilk oyun günündən sonra rəsmiləşib.
Çempionatın ldieri “Şahdağ Qusar” öz meydanında “Hypers Guba”ya 2:1 hesabı ilə qalib gəlib. Bu nəticə ilə Qusar təmsilçisi xallarının sayını 58-ə çatdırıb.
“Şahdağ Qusar”la 4-cü pillədəki Quba klubunun aralarındakı xal fərqi 22-yə yüksəlib. Əldə olunan üç xalla da lider “üçlük”dəki yerini, bununla da I Liqaya vəsiqəni təmin edib.
“Hypers Guba”nın xal itirməsi daha bir komandanın işinə yarayıb. İkinci pillədəki “Şəfa” “Sheki City” üzərindəki 6:0 hesablı qələbə ilə xallarını 55-ə çatdırıb. 19 xallıq üstünlük Bakı klubunun “üçlük”də yerini təmin etməsi və I Liqaya vəsiqə qazanması üçün yetərli olub.
Qeyd edək ki, II Liqada ilk üç yerin sahibi daha üst liqaya birbaşa vəsiqə qazanır, 4-cü olan komanda isə pley-off oynayacaq.
