II Liqada 19-cu tura yekun vurulub.
Şəhriyar Məmmədovun istefasından sonra Asim İbrahimovu baş məşqçi postuna gətirən "Araz Saatlı" dogma rayonda "Dinamo"nu qəbul edib.
Demək lazımdır ki, qarşılaşma elə də maraqlı keçmədi.
Qapılar ağzında yaradılan təhlükəli epizodların sayı bir əlin barmaqlarının sayından da az idi. Fasiləyədək mübarizə əsasən meydanın mərkəzində getdi.
Qollar 66-cı dəqiqədən sonra vuruldu. Öncə Fizuli Dəmirov komanda yoldaşının ötürməsini yaxın məsafədən keçirdi.
"Dinamo"nun hesabı açması ev sahiblərini yuxudan oyatdı. Saatlı təmsilçisi 3 dəqiqə içində gedişatı tamamilə öz xeyrinə dəyişdi.
Elnur Səmədov baxımlı qolla status-kvonu bərpa elədi, ardınca Elariz Xəlillinin "salto"lu qol sevincini izlədik. "Polislər"in müdafiəçisi Xəyal Qocayevin səhvi burada həlledici oldu.
Cinah ötürməsinin istiqamətini dəyişdirmək istəyən Xəyal qapıçı Elmin Qaçaylını çaşdırdı və Elariz önünə düşən "yuvarlaq meşin"i boş qapıya göndərməyə çətinlik çəkmədi.
"Araz" bir qədər sonra daha bir qol vurdu. Fəqət, yan xətt hakimi yerli hücumçunun ofsaydda olduğunu iddia edərək, bayrağını havaya qaldırdı.
Halbuki həmin anda heç bir oyundankənar epizoddan söhbət gedə bilməzdi.
Bu turdan sonra 31 xal toplayan hər iki komanda 6-7-ci yerləri paylaşırlar.
SPORTİNFO.AZ
"Araz Saatlı" - "Dinamo" 2:1
Qollar: Elnur Səmədov, 73; Elariz Xəlilli, 76 // Fizuli Dəmirov, 66
Saatlı OİK stadionu. 60 tamaşaçı Baş hakim: Murad Səlimov
Baş hakimin köməkçiləri: Aydın Bəxşiyev, Samir Qaracayev Dördüncü hakim: Sənan Bayramzadə
Hakim-inspektor: Rövşən Əhmədov
AFFA nümayəndəsi: Eldar Məmmədov
Sarı vərəqələr: Cavid Əliyev, 63 (qeyri-idman hərəkəti); Ramin Süleymanov, 75 (qeyri-idman hərəkəti)
Artırılan vaxt: I hissədə - 1 dəq; II hissədə - 3 dəq.
“Araz Saatlı”: 1. Maximilian Şilder 7. Elnur Səmədov 19. Rəsul İbrahimov (k) 10. Hacı Rüstəmov 11. Zaur Fərzəliyev (20. Məhərrəm Əlizadə, 81) 15. Cavid Əliyev 8. Ramin Süleymanov 17. Elariz Xəlilli 6. Həmzə Əliyev 4. Loğman Əliyev 5. Valeh Əzizli (22. Romal Şərifov, 72)
Ehtiyat oyunçular: 12. Teymur Hüseynov 49. Ceyhun Həsənli 27. Şövqi Seyfullazadə 29. Qərib Rzayev 24. Nahid İsmayıllı 14. Sənan Nərimanlı
Baş məşqçi: Asim İbrahimov
“Dinamo”: 12. Elmin Qaçaylı 14. Xəyal Qocayev 11. Şahin Əliyev (k) (27. Həsənəli Rəhimov, 83) 3. Nicat Əskərov 55. Əlisa İsayev (15. Tərlan Veysəlli, 46) 10. Ziya Məmmədli 19. Əlibala Ağayev 24. Sadiq Hüseynli 18. Aydın İsxanzadə (5. Nail Təhməzli, 80) 17. Fizuli Dəmirov 44. Əli Məmmədli
Ehtiyat oyunçular: 1. İbrahim Bağırov 7. Əkbər Səfərzadə 33. İkram Həmidli 22. Amil Nurəhmədov 8. Uğur Sayıllı
Baş məşqçi: İbrahim Uzunca
