II Liqada 18-ci tura yekun vurulub.
"Göygöl" öz meydanında "Hypers"i qəbul edib.
50 tamaşaçısı olan oyunda qapılara 10 qol vurulub. Qarşılaşma şimal bölgəsi təmsilçisinin 6:4 hesablı qələbəsi ilə başa çatıb.
Ev sahiblərindən Ülvi Cəlilovla İntiqam Tağıyev dubla imza atıb. Qonaqların heyətində isə Ağabəkir Həşimli iki qol vurub.
İbrahim İbrahimli, Hüseyn Novruzov, Cavid İmamverdiyev və İlham Yarəliyev hərəyə bir dəfə fərqlənib.
Onlardan Novruzovun epizodunun üzərində dayanmaq olar. Hüseyn təqribən 30-32 metr məsafədən qapını nişan almaqla, adını tabloya yazdırıb.
Onu da qeyd etmək lazımdır ki, hər iki komandanın müdafiə xətti kobud səhvlərə yol verdi.
Aşağıdakı videoda bunların hamısı var, baxa bilərsiz. Onda görəcəksiz ki, buraxılan qollar necə gülməlidir.
"Hypers" yalnız Kamil Hüseynova görə sevinməlidir.
Vaxtilə "Qarabağ" və AZAL-ın formasını geyinmiş stopper bütün oyunboyu komanda yoldaşlarını idarə etməyə çalışdı, üstlərinə qışqırdı. Buraxılan xətalara reaksiyanı yalnız ondan gördük.
SPORTİNFO.AZ
"Göygöl" - "Hypers Quba" 4:6
Qollar: Ülvi Cəlilov, 13, 88; İntiqam Tağıyev, 41, 73; // Ağabəkir Həşimli, 24, 61; İbrahim İbrahimli, 48; Hüseyn Novruzov, 57; Cavid İmamverdiyev, 64; İlham Yarəliyev, 90+2
Göygöl OİK stadionu. 50 tamaşaçı
Baş hakim: Murad Səlimov
Baş hakimin köməkçiləri: Səbuhi Soltanov, Səbuhi Əmrahov
Dördüncü hakim: Nazim Abdullayev
Hakim-inspektor: Rövşən Əhmədov
AFFA nümayəndəsi: Rüfət Əmirov
Sarı vərəqələr: Cavanşir Cavanşirov, 50 (qeyri-idman hərəkəti); Çingiz Məmmədov, 66 (qeyri-idman hərəkəti) // Nicad İsmayılov, 12 (qeyri-idman hərəkəti); Ağabəkir Həşimli, 79 (hakimin qərarına etiraz); Qeyrət Əliyev, 81 (qeyri-idman hərəkəti)
Artırılan vaxt: I hissədə - yoxdur; II hissədə - 5 dəq.
“Göygöl”: 13. Novruz Rəhimov 9. Zahid Sadıxov (66. Dursun Məmmədov, 72) 14. Ülvi Cəlilov (k) 10. Elcan Rəhimov 6. Kamal Həsən-pur 11. İntiqam Tağıyev 97. Cavanşir Cavanşirov 3. İsmayıl Məmmədov 17. Çingiz Məmmədov (44. Elxan Əzizov, 72) 4. Kərəm Əhmədli 8. Seymur Fərəci (32. Oqtay Məmmədov, 85)
Ehtiyat oyunçular: 99. Pərvin Zeynalov 15. Surac Nəcəfov 5. Səid Həsənov
Məşqçi: Bilal Mehdiyev
“Hypers Guba”: 35. Fərman Bayramov 55. Qeyrət Əliyev (15. Ramin Məhərrəmov, 83) 10. Cavid İmamverdiyev (k) 11. Ruslan Qurbanov 5. Kamil Hüseynov (6. Xaqan Məmmədov, 67) 14. İlqar Ələkbərov 25. Baxşəli Baxşəliyev 7. Hüseyn Novruzov 88. Nicad İsmayılov (19. Mətləb Osmanov, 67) 70. İbrahim İbrahimli 9. Ağabəkir Həşimli (99. İlham Yarəliyev, 85)
Ehtiyat oyunçular: 98. Elxan Qasımov 8. İbrahim Nağıyev
Baş məşqçi: Elvin Həsənov
