II Liqada 18-ci tura yekun vurulub.

"Kür-Araz" İmişlidə "Füzuli"nı qəbul edib.

Matç kobud, eyni zamanda açıq mübarizə şəraitində keçib və yekunda 3:3 hesabı qeydə alınıb.

Referi Vüqar Həsənlinin 10 sarı vərəqə göstərdiyi görüşdə ilk qol 1-ci dəqiqədə vurulub. Qapı önünə ötürməni nəzarətsiz qalmış Nihat Paşayev tora qovuşdurub.

Fuad Məmmədzadə 10-cu dəqiqədə hesaba tarazlıq gətirib. «Qarabağ»ın sabiq hücumçusu kapitan Elgün Abbaslının zərbəsindən sonra qapı tirindən dönən topu «çərçivə»yə ünvanlayıb.

3 dəqiqə sonra imişlilər qonaqları meydanın mərkəzinə dəvət edib. Vaxtilə millinin və «Bakı»nın formasını geyinmiş Ramazan Abbasov baxımlı qola iza atıb.

«Füzuli»nin cavabı bir qədər sonra gəlib. Elgün Abbaslı cərimə meydançasının küncündən qapının uzaq «doqquzluğ»unu dəqiq nişan almaqla, ayın qolu naminasiyasında namizədlər siyahısına adını yazdırıb.

Fasilədən sonra Qarabağ təmsilçisi Rəhim Nağıyevlə önə keçib. 76-cı dəqiqədə Nicat Fərəcli Ramazan Abasovun ötürməsini dəyərləndirib.

Həm buna kimi, həm də bundan sonra hər iki tərəf qələbə topunu vurmaq üçün bir neçə imkan yaxalayıb. Bu baxımdan «Kür-Araz»ın bəxti gətirməyib.

SPORTİNFO.AZ

"Kür-Araz" - "Füzuli" 3:3

Qollar: Nihat Paşayev, 1; Ramazan Abbasov, 13; Nicat Fərəcli, 76 // Fuad Məmmədzadə, 10; Elgün Abbaslı, 23; Rəhim Nağıyev, 55
Heydər Əliyev adına İmişli şəhər stadionu. 50 tamaşaçı
Baş hakim: Vüqar Həsənli
Baş hakimin köməkçiləri: Zakir Şükürzadə, Asif Abdullayev
Dördüncü hakim: Rasim Musayev
Hakim-inspektor: Orxan Məmmədov
AFFA nümayəndəsi: Namiq Əliyev
Sarı vərəqələr: Mirabbas Mirbabayev, 32 (qeyri-idman hərəkəti); Eltun Həsənli, 48 (qeyri-idman hərəkəti); Ramazan Abbasov, 61 (qeyri-idman hərəkəti); Nihat Paşayev, 73 (qeyri-idman hərəkəti); Cavidan Musazadə, 78 (qeyri-idman hərəkəti); Bayram Əliyev, 89 (qeyri-idman hərəkəti) // Elgün Abbaslı, 62 (oyunun bərpasnın ləngidilməsi); Rəhim Nağıyev, 64 (qeyri-idman hərəkəti); Elçin Rəhimli, 67 (qeyri-idman hərəkəti); Zöhrab Bayramov, 75 (qeyri-idman hərəkəti)
Artırılan vaxt: I hissədə - 2 dəq; II hissədə - 4 dəq.

“Kür-Araz”: 12. Hilal Maqsudlu 11. Ramazan Abbasov 14. Elnur Məmmədov (k) 8. Cavidan Musazadə 22. Mirabbas Mirbabayev 10. Bayram Əliyev 18. Nicat Fərəcli 15. Babək Yaqublu 5. İlkin Hüseynli 3. Eltun Həsənli 4. Nihat Paşayev
Ehtiyat oyunçular: 1. Elçin Əliyev 99. Əmrah Zülfüqarlı 6. Ağasən Əsgərov 16. Əli İbrahimli 2. Rəşid Əmirli 20. Əli Mürsəlov 17. Vidadi Ağazadə

Baş məşqçi: Murad Ağayev

“Füzuli”: 1. Kamil Nəzərli 91. Şəhriyar Zərbəliyev (44. Elmir Xəlilov, 7) 10. Elgün Abbaslı (k) 21. Fuad Məmmədzadə 17. Elçin Rəhimli 19. Elçin Əliyev (9. Murad Mehdiyev, 82) 77. Əli Əliyev 7. Samir Əliyev 11. Samur-Xan Aslanxanov (6. Zöhrab Bayramov, 62) 4. Əl-Musənnə Omran 5. Rəhim Nağıyev
Ehtiyat oyunçular: 8. Şaməddin Rüstəmov 18. Mübariz Hüseynzadə
Məşqçi: Xəqani Quliyev