II Liqada 16-cı turun ən maraqlı oyunlarından biri «Qusar»la «Kür-Araz» arasında baş tutub.

Turnir cədvəlində qonşu olan (8-9) komandaların «Neftçi»nin bazasında keçirilən duelində qapılara 6 qol vurulub.

Artıq 3-cü dəqiqədə Eşqin Tağıyev hesabı açıb. Qarabağ qazisi olan hücumçu sağ cinahdan topu birbaşa qapıya istiqamətləndirərək, baxımlı qola imza atıb.

Orxan Qurbanlı isə 21-ci dəqiqədə cərimə zərbəsindən gözəl qol vurub. Qusarlılar bundan 11 dəqiqə sonra daha bir dəfə fərqlənib.

Mirmehdi Rzayevin uzaq məsafədən «çərçivə»yə yönəltədiyi «yuvarlaq meşin» yolüstü qapıçı Əmrah Zülfüqarlının əlinin toxunaraq, toru silkələyib.

Kiperin topa biabırçı reaksiyası «Kür-Araz»ın futbolçularını şoka salıb, bir neçə nəfər əsəbindən əlləriylə başını tutaraq yerə uzanıb.

«Qusar» elə burada da dayanıb. İmişli təmsilçisi bundan sonra oyunda dönüş etməyi, məğlubiyyətdən qaçmağı bacarıb.

Elxan Məmmədov fasiləyədək toplardan birinin əvəzini çıxıb, ikinci hissədə isə daha iki dəfə fərqləniblər. Elxan dublunu rəsmiləşdiribsə, digər qolu Ramazan Abbasov vurub.

Hətta qonaqlar son 15 dəqiqədə önə çıxmaq fürsətləri də əldə edib. «Qusar»dan isə Eşqin Tağıyev qapıçıyla üzbəüz qaldığı epizodu boşa verib.

SPORTİNFO.AZ

“Qusar” – “Kür-Araz” 3:3

Qollar: Eşqin Tağıyev, 3; Orxan Qurbanlı, 21; Mirmehdi Rzayev, 32 // Elxan Məmmədov, 37, 75 (p.); Ramazan Abbasov, 60
“Neftçi Futbol Mərkəzi” (IV meydança). 30 tamaşaçı
Baş hakim: Mahmud Bağırzadə
Baş hakimin köməkçiləri: Elmin Süleymanov, Elman Kərimov
Dördüncü hakim: Rasim Musayev
Hakim-inspektor: Babək Quliyev
AFFA nümayəndəsi: Asif Əliyev
Sarı vərəqələr: Firudin Ağalarov, 62 (qeyri-idman hərəkəti); Murad Hüseynov, 75 (qeyri-idman hərəkəti); Orxan Əlixanov, fasilədə (qeyri-idman hərəkəti) // Cavidan Musazadə, 61 (qeyri-idman hərəkəti); Babək Yaqublu, 67 (qeyri-idman hərəkəti); Nihat Paşayev, 77 (qeyri-idman hərəkəti)
Artırılan vaxt: I hissədə - 1 dəq; II hissədə - 2 dəq.

“Qusar”
22. İmran Məhərrəmov
15. Firudin Ağalarov (k)
14. Məhəmməd Xəlilov
(17. Elnur Dəmirli, 89)
21. Orxan Qurbanlı
95. Eşqin Tağıyev
10. Osman Osmanov
27. Əlibəy Məmmədli
77. Mirmehdi Rzayev
(37. Faik Ağakərimov, 70)
8. Əsgər Hümbətov
(19. Orxan Əlixanov, 80)
40. Rüstəm Rüstəmov
3. Murad Hüseynov
Ehtiyat oyunçular:
66. Şaiq Vəlizadə
Baş məşqçi: Ramil Həsənov

“Kür-Araz”
99. Əmrah Zülfüqarlı
11. Ramazan Abbasov
14. Elnur Məmmədov (k)
8. Cavidan Musazadə
6. Ağasən Əsgərov
9. Elxan Məmmədov
10. Bayram Əliyev
77. Museyib Vəlizadə
(18. Nicat Fərəcli, 72)
15. Babək Yaqublu
5. İlkin Hüseynli
4. Nihat Paşayev
Ehtiyat oyunçular:
1. Elçin Əliyev
12. Hilal Maqsudlu
13. Nihad Məmmədov
16. Əli İbrahimli
2. Rəşid Əmirli
20. Əli Mürsəlov
17. Vidadi Ağazadə
Baş məşqçi: Murad Ağayev