AFFA İntizam Komitəsinin iclası keçirilib.
Sportinfo.az xəbər verir ki, burada II Liqadakı qayda pozuntuları ilə bağlı qərarlar qəbul edilib.
Qurum Azərbaycan millisinin sabiq üzvü Ruslan Qurbanovu cəzalandırıb. Belə ki, 2-ci liqanın 14-cü turunda “Haypers Quba” – “Şəmkir” oyununun 39-cu dəqiqəsində “Haypers Quba”nın formasını geyinən Ruslan Qurbanov hakimi təhqir etdiyinə görə birbaşa qırmızı vərəqə alıb.
Bu səbəbdən hücumçu 4 oyun cəzalandırılıb. “Haypers Quba” 300 manat cərimələnib.
Eyni görüşün 90+4-cü dəqiqəsində “Haypers Quba”nın digər futbolçusu Sənan Aslanov da təcavüzkar davranışa görə birbaşa qırmızı vərəqə aldığı üçün 4 oyun cəzalandırılıb. Klub 300 manat cərimə edilib.
