“Şamaxı” ilə yollarını ayıran Emin Zamanov II Liqanın yolunu tutub.
“Şirlər“lə müqaviləsini qarşılıqlı razılaşma əsasında xitam verən yarımmüdafiəçi ”Şəfa”ya keçib.
I Liqaya iddia edən paytaxt təmsilçisi onunla 1,5 illik müqavilə imzalayıb. Zamanov ilk 6 ay ərzində burada 5000 manat əməkhaqqı alacaq. Gələn sezonda isə onun maaşı bir qədər də artırılacaq.
Maraq üçün deyək ki, 2023-cü ilin yanvarından ”Şamaxı”da çıxış edən orta sahə oyunçusunun məvacibi 3500 manat olub.
Zamanov ötən mövsüm I Liqa çempionluğu yaşayıb, O, bu formayla ümumilikdə 18 qola imza atıb.
"Şamaxı" daha öncə Ramin Əhmədov, Qurban Səfərov, Zahid Mərdanov, Conatan Benteke ilə yollarını ayırıb.
Bu siyahıda adı olanlardan Mərdanov da ”Şəfa”ya üz tutub. ”Kəpəz-2”nin baş məşqçisi Xaliq Mərdanovun oğlu II Liqa mənsubu ilə ilyarımlıq kontrakt bağlayıb.
”Şəfa” gəncəli müdafiəçiyə yayadək 3000 manat maaş ödəyəcək. Növbəti ”fuibol ili”ndə isə bu rəqəm 4000 manat təşkil edəcək.
SPORTİNFO.AZ
