II Liqada iddialı klublardan olan "Şəfa" heyətinə daha bir futbolçu qatıb.
Qış fasiləsinə ikinci yerdə çıxmış paytaxt təmsilçisi Zahid Mərdanovu sıralarına qatıb.
Onunla 6 ay+1 illik anlaşma əldə olunub. Bakılılar 24 yaşlı müdafiəçiyə mövsümün sonunadək 3000 manat əməkhaqqı ödəyəcək.
Gələn «futbol ili»ndə isə onun məvacibi daha 1000 manat artırılacaq. Bu isə Zahidin «Şamaxı»da qazandığı puldan təqribən 3 dəfə çoxdur.
Zahid Mərdanov 2023-cü ilin yanvarından "Şamaxı"da oynayırdı. «Kəpəz»in əvəzedici komandasının baş məşqçisi Xaliq Mərdanovun oğlu daha əvvəl Gəncə klubu ilə yanaşı, "Sabah" və "Zirə"də çıxış edib.
SPORTİNFO.AZ
