II Liqada 13-cü tur bəzi sürpriz nəticələrlə yadda qalıb.
Onlardan biri «Dinamo» - «Ağdaş» matçında qeydə alınıb.
Çempionatda qalmaq uğrunda mübarizə aparan «Ağdaş»ın Bakıda «polislər»ə qalib gəlməsi gözlənilirdi, amma bu, baş verdi.
Matçın ilk yarısı qol sarıdan məhsuldar keçdi. Valeh Seyidov 3-cü dəqiqədə ev sahiblərini sevindirib.
Klubun İdarə Heyətinin sədri Yaşar Seyidovun oğlu cərimə meydançasında iki müdafiəçinin əhatəsindən qapını dəqiq nişan alıb.
Ardınca Elçin Süleymanov səhnəyə çıxıb. Qonaqların hücumçusu öncə mərkəz ötürməsini qəbul edərək sürətdə rəqibini keçib və qapıçıyla dueldən qalib ayrılıb.
34-cü dəqiqədə isə o, kiper İbrahim Bağırovdan topu «oğurlayaraq», hesabı «Ağdaş»ın xeyrinə dəyişib. Bu səhvin şokundan ayılmayan «Dinamo» 39-cu dəqiqədə daha bir dəfə topu öz qapısından çıxarmalı olub.
Ülvi Sarıyev sezonun ən gözəl qollarından birini vurub. Daxili İşlər Nazirliyinin komandası fasiləyə yaxın Aqil Hüseynzadə ilə fərqi minimuma endirib,
ikinci hissədə isə tərəflər hərəyə bir dəfə adını tabloya yazdırıb. «Dinamo»çuların arxa xətdə yol verdiyi növbəti xətanı dəyərləndirən Elçin Süleymanov het-trikini rəsmiləşdirib.
51-ci dəqiqədə Füzuli Dəmirov qapı önünə ötürməni asanlıqla tora qovuşdurub. «Dinamo»nun hesabı bərabərləşdirmək üçün kifayət qədər vaxtı və fürsəti olsa da, bunu bacarmayıblar.
Beləcə, mövsümdə altıncı məğlubiyyətini alan «ağ-göylər» 19 xalla 8-ci pillədə qalıb. İkinci qələbəsini qazanan «Ağdaş» isə xallarının sayını 10-a çatdırıb və son sıralardan bir az uzaqlaşıb.
SPORTİNFO.AZ
“Dinamo” – “Ağdaş” 3:4
Qollar: Valeh Seyidov, 3; Aqil Hüseynzadə, 41; Fizuli Dəmirov, 51 // Elçin Süleymanov, 15, 34, 48; Ülvi Sarıyev, 39
Bakı. “Neftçi Futbol Mərkəzi” (IV meydança). 40 tamaşaçı
Baş hakim: Rövşən Rəcəbov
Baş hakimin köməkçiləri: Orxan İbişov, Rasim Axundov
Dördüncü hakim: Nazim Abdullayev
Hakim-inspektor: Orxan Məmmədov
AFFA nümayəndəsi: Asif Əliyev
Sarı vərəqələr: Əlibala Ağayev, 53 (qeyri-idman hərəkəti) // Səbuhi Ağayev, 29 (qeyriidman hərəkəti); Ülvi Sarıyev, 66 (qeyri-idman hərəkəti); Taryel Zeynalov, 70 (qeyriidman hərəkəti); Vasif Nəsirov, 85 (qeyri-idman hərəkəti), 90+3 (oyunun bərpasının ləngidilməsi)
Qırmızı vərəqə: Vasif Nəsirov, 90+3
Artırılan vaxt: I hissədə - 1 dəq; II hissədə - 4 dəq.
“Dinamo”: 1. İbrahim Bağırov (12. Elmin Qaçaylı, 53) 3. Nicat Əskərov 20. Valeh Seyidov (k) 14. Əlisa İsayev (15. Tərlan Veysəlli, 78) 10. Ziya Məmmədli 19. Əlibala Ağayev 18. Aydın İsxanzadə 17. Fizuli Dəmirov 44. Əli Məmmədli 88. Aqil Hüseynzadə 16. Məhəmməd Cəfərzadə (11. Şahin Əliyev, 53)
Ehtiyat oyunçular: 7. Əkbər Səfərzadə 22. Fərid Quliyev 99. Kənan Əlizadə 4. Qürbət Əhmədov 8. Uğur Sayıllı 80. Elvin Əliyev
Baş məşqçi: İsmayıl Vəkiliqazicahani
“Ağdaş”: 1. Ümid Paşayev 5. Vasif Nəsirov 90. Nicat Baxşiyev 3. Səbuhi Ağayev (k) 33. Elçin Süleymanov 4. Azad Əzimli 24. Elvin İsmayılov (27. Rəvan Əliyev, 82) 7. Taryel Zeynalov 20. Ülvi Sarıyev 21. Eşqin Vəliyev (8. Akif Abdullayev, 61) 14. Aqşin Yaqubov
Ehtiyat oyunçular: 12. Ruslan Hüseynov
Məşqçi: Nadir Ebişov
