II Liqada 13-cü tura yekun vurulub.
Ötən həftə çempionatın lideri «Şahdağ»a 1:7 hesablı məğlubiyyətə uğrayan «Şəfa» bu dəfə «Füzuli» ilə üz-üzə gəlib.
«ASK Arena»da təşkil olunan görüş hər iki tərəfin açıq mübarizə aparmasıyla yadda qalıb.
Hesab 14-cü dəqiqədə açılıb. Müdafiəçilərin arxasında mövqe tutmuş Elvin Nəsibov hesabı açıb. Üç dəqiqə sonra qonaqlar fərqlənmək fürsəti yaxalayıb.
«Qarabağ»ın yetirməsi Fuad Məmmədzadəyə qarşı cərimə meydançası daxilində edilmiş qayda pozuntusu referi Mahmud Bağırzadə tərəfindən penalti kimi qiymətləndirilib, di gəl, Hacı Rüstəmovun zərbəsi qapıçı Əli Həsənli tərəfindən zərərsizləşdirilib.
«Füzuli» 37-ci dəqiqədə daha bir penalti vuruşu qazanıb. Yusif Cəfərov komanda yoldaşının səhvini təkrarlamayıb, status kvonu bərpa eləyib.
Fasiləyə az qalmış isə «Şəfa» azlıqda qalıb. Müdafiəçi Tural Nərimanov ikinci sarı vərəqəni alaraq, meydandan kənarlaşdırılıb.
Buna rəğmən, «Şəfa» ikinci yarıda yenidən irəli atılıb, qələbə qolunu vurmaq üçün qan-tərə batıb. Bir epizodda qapıçıdan topu «oğurlayan» Elvin Nəsibov boş qapını dəqiq nişan ala bilməyib.
Nadir Əliyevin çalışdırdığı komadası çempionatın aşkar autsayderinin müqavimətini yalnız 88-ci dəqiqədə qıra bilib.
Elməddin Hüseynzadə künc zərbəsindən topu birbaşa qapıya istiqamətləndirib. «Yuvarlaq meşin» son anda Yusif Cəfərova dəyərək, tora qovuşub.
SPORTİNFO.AZ
“Şəfa” – “Füzuli” 2:1
Qollar: Elvin Nəsibov, 14; Yusif Cəfərov, 88 (ö.q.) // Yusif Cəfərov, 37 (p.)
Bakı. “ASK Arena”. 30 tamaşaçı
Baş hakim: Mahmud Bağırzadə
Baş hakimin köməkçiləri: Qəzənfər Məmmədov, Taleh Məmmədov
Dördüncü hakim: Səbuhi Bayramov
Hakim-inspektor: Ceyhun Haşımov
AFFA nümayəndəsi: Yavər Rəhimov
Sarı vərəqələr: Novruz Məmmədov, 33 (qeyri-idman hərəkəti); Tural Nərimanov, 36 (hakimin qərarına etiraz), 45 (qeyri-idman hərəkəti); Əli Həsənli, 55 (hakimin qərarına etiraz); Ceyhun Cavadov, 71 (qeyri-idman hərəkəti)
Qırmızı vərəqə: Tural Nərimanov, 45
Qolla nəticələnməyən penalti: Hacı Rüstəmov, 17
Artırılan vaxt: I hissədə - 1 dəq; II hissədə - 3 dəq.
“Şəfa”: 13. Əli Həsənli 22. Tural Nərimanov 21. Novruz Məmmədov (k) 88. Aqşin Paşayev 6. Ceyhun Cavadov 32. Elməddin Hüseynzadə 7. Elvin Nəsibov 8. Elçin Rəhimli 11. Nurlan Şabanov 10. Rauf Məhərrəmov (34. Elmin Əskərli, 83) 18. Rəsul Əliyev (97. Cavad Bağırov, 46) Ehtiyat oyunçular: 1. Vaqif Şirinbəyov 12. Rafiq Həsənov 23. Comərd Baxşəliyev 25. Qərib İbrahimov 9. Röyal Nəcəfov 70. Elgün Abbaslı 28. Ülvi Quliyev 17. Hüseyn Əliyev 2. Ratmir Kavtunov
Baş məşqçi: Nadir Əliyev
“Füzuli”: 1. Məhərrəm Məmmədli 77. Sabir Allahquliyev 10. Vüsal Tahirov (k) 88. Kənan Məmmədov 11. Fuad Məmmədzadə 6. Elçin Əliyev (9. Mübariz Hüseynzadə, 56) 23 Yusif Cəfərov 17. Hacı Rüstəmov 2. Samir Əliyev 44. Elmir Xəlilov (4. Murad Mehdiyev, 90) 5. Bayram Paşazadə
Ehtiyat oyunçular: 12. Elcan Sarıyev 7. Ruslan Poladov 25. Şaməddin Rüstəmov 3. Vurğun Həsənzadə 91. Bayram Nurizadə 8. Elvin Yunusov 18. Fərhad Salamzadə 21. Samur-Xan Aslanxanov
Məşqçi: Xəqani Quliyev
