II Liqada 13-cü tur davam edir.

"Kür-Araz" Saatlıda "Göygöl"lə üz-üzə gəlib.

Qarşılaşma İmişli təmsilçisinin 5:0 hesablı qələbəsi ilə başa çatıb.

Matçın əvvəli darmadağından xəbər vermirdi. Qonaqlar 13-cü dəqiqəyə kimi bir real fürsəti qaçırmış, bir qolu da qeydə alınmamışdı.

«Göygöl»ün hücuma aludə olduğu bir vaxtda hesabı «Kür-Araz» açdı. Museyib Vəlizadə müdafiə zonasında boş yer taparaq, topu silkələdi.

Nominal ev sahibləri fasilədən sonra «bomba» kimi partladı. Elxan Məmmədov 6 dəqiqə içində əsl şou göstərdi.

«Göygöl»ün arxa xətdə yol verdiyi səhvlər imişlili yarımmüdafiəçinin poker etməsinə yol açdı. Onun xüsusən dördüncü qolu baxımlı alındı.

Bu da son olmayacaqdı: tərəflər hərəyə dəfə fərqlənməyə yaxın idi.

Xallarını 24-ə yüksəldən "Kür-Araz" turnir cədvəlinin 5-ci pilləsində qərarlaşıb. 11 xalı olan "Göygöl" isə 9-cu yerdədir.

SPORTİNFO.AZ

"Kür-Araz" - "Göygöl" 5:0

Qollar: Museyib Vəlizadə, 15; Elxan Məmmədov, 51, 54, 56, 57
Saatlı OİK stadionu. 20 tamaşaçı
Baş hakim: Murad Səlimov
Baş hakimin köməkçiləri: Rəhman Aslanov, Anar Bədəlov
Dördüncü hakim: Rəsul Babayev
Hakim-inspektor: Ramil Diniyev
AFFA nümayəndəsi: Eldar Məmmədov
Sarı vərəqələr: Elxan Məmmədov, 82 (qeyri-idman hərəkəti) // İsmayıl Məmmədov, 54 (hakimin qərarına etiraz); Ülvi Cəlilov, 70 (qeyri-idman hərəkəti)

Artırılan vaxt: I hissədə - 1 dəq.; II hissədə - yoxdur.

“Kür-Araz”: 99. Əmrah Zülfüqarlı 11. Ramazan Abbasov (13. Nihad Məmmədov, 67) 14. Elnur Məmmədov (k) 8. Cavidan Musazadə (7. Fəzail Şirxanzadə, 67) 22. Mirabbas Mirbabayev 9. Elxan Məmmədov 10. Bayram Əliyev 18. Nicat Fərəcli (16. Əli İbrahimli, 73) 77. Museyib Vəlizadə 15. Babək Yaqublu 3. Eltun Həsənli (6. Ağasən Əsgərov, 88)
Ehtiyat oyunçular: 1. Şöhlət Rəhimov 4. Fərid Oruczadə
Baş məşqçi: Üzeyir Sefizadə

“Göygöl”: 99. Pərvin Zeynalov 9. Zahid Sadıxov 14. Ülvi Cəlilov (k) 11. İntiqam Tağıyev 3. İsmayıl Məmmədov 22. Araz Quliyev (5. Səid Həsənov, 75) 55. Sənan Həsənov 17. Çingiz Məmmədov 44. Rəşid Zeynalov (66. Elgün Qasımlı, 39) 8. Seymur Fərəci 15. Rəhman Qasımov
Ehtiyat oyunçular: 13. Kənan Əliyev 10. Elcan Rəhimov
Məşqçi: Bilal Mehdiyev