II Liqada 12-ci tur davam edir.
2024-cü ildə son ev oyununa çıxan «Şəki Sita» azarkeşlərini sevindirə bilməyib.
Dumanlı hava şəraitində keçən qarşılaşma «Şimal»ın üsiünlüyü ilə başa çatıb. Ev sahiblərinin hesabı erkən açmasına rəğmən.
Xaliq Şabanov 4-cü dəqiqədə müdafiəçinin sayıqlığı itirməsindən istifadə edərək, toru silkələyib.
Xaçmaz təmsilçisi qətiyyən ruhdan düşməyib. Dörd dəqiqə sonra status-kvonun bərpasına nail olublar.
Tofiq Qəsibov təqribən 40 metr məsafədən göndərilən hava ötürməsini qolla tamamlayıb. O, 35-ci dəqiqədə «Şimal»ı hesabda önə çıxarıb.
Tofiqin kifayət qədər maraqlı qola imza atdığını söyləməliyik. Şəkili arxa xətt oyunçularının bir-birlərini yanılmasından sonra topa yiyələnən Nəsibov qapıçını da aldadaraq, istəyinə çatıb.
Epizod kapitan Elçin Ramazanovu necə əsəbiləşdiribsə, o, komanda yoldaşlarının üstünə qışqırmaqdan özünü saxlaya bilməyib.
Fasiləyə az qalmış daha iki qol vurub. Asim Quliyev 43-cü dəqiqədə cərimə zərbəsindən fərqlənib.
Onun vuruşunda «canlı sədd»in dağılması Natiq Daşdəmirlini çaşdırıb, belədə qapıçının özü də səhvə yol verib.
Az keçmiş Şahlar Sədiyev qonaqları növbəti dəfə sevindirib. «Şəki»lilərin müdafiədə növbəti səhvi «Şimal»ı məmnun edib.
İkinci yarıda sönük oyun gedib. «Şimal»in bir fraqmentdə qapı dirəyindən dönən topunu nəzərə almasaq.
SPORTİNFO.AZ
“Şəki Siti” – “Şimal” 2:3
Qollar: Xalıq Şabanov, 4; Asim Quliyev, 43 // Tofiq Nəsibov, 8; 35; Şahlar Sədiyev, 45
Şəki şəhər stadionu. 120 tamaşaçı
Baş hakim: Mahmud Bağırzadə
Baş hakimin köməkçiləri: Anar Bədəlov, Nurlan Əhmədzadə
Dördüncü hakim: Emin Abdullayev
Hakim-inspektor: Zöhrab Qədiyev
AFFA nümayəndəsi: Mahal Məmmədov
Sarı vərəqələr: Fərid İslamzadə, 27 (qeyri-idman hərəkəti); Nəriman İmayətov, 80 (qeyri-idman hərəkəti)
Artırılan vaxt: I hissədə - 1 dəq; II hissədə - 3 dəq.
“Sheki City”: 1. Elnar Şabanov 5. Ramin İsmayılov (88. Ramil İsmayılov, 17) 4. Süleyman Rauflu 20. Orxan Kərimov 55. Elçin Ramazanov (k) 77. Nəriman İmayətov 3. Mehman İbadov 11. Elşən Mustafayev 17. Xalıq Şabanov (10. İlkin Məmmədov, 85) 71. Fərid İslamzadə (99. Elgün Hacıbabayev, 89) 19. Asim Quliyev
Ehtiyat oyunçular: 12. Emil Mustafayev 13. Eldəniz Əliyev 22. İlkin Ağaniyev
Baş məşqçi: Firuddin Mövsümov
“Şimal”: 1. Natiq Daşdəmirli 18. Tural Cəlilov (k) 5. İqrar Səmədov 13. Qeybulla Kaçayev (6. Məhəmməd Ağayev, 67) 9. Şahlar Sədiyev (7. Emin Əskərov, 67) 14. Sabir Əlişan 16. Amil Məmmədov 27. Pərviz Azadov 44. Tofiq Nəsibov 77. Ceyhun Kəlbəliyev 25. Tərlan Vəlimətov (17. Cavad Hacıyev, 46)
Ehtiyat oyunçular: 4. Ülvi Zeynalov 11. Mirzə Bayrampur 15. Elmar Babayev 19. Şükür Ağabəyov
Baş məşqçi: Rəcəb Mahmudov
