II Liqada 11-ci tur davam edir.

İlk 10 hesabat həftəsində qələbə qazanan «Şahdağ» Şamaxıda «Füzuli» ilə üz-üzə gəlib.

Liderlə sonuncu pillənin sahibi arasında dueldə 4 qol vurulub. Sadəcə, hakimlər onlardan yalnız birini qeydə alıb.

Onda da ki… Tural Qürbətovun Maradonasayaq hərəkətini görməzdən gəliblər. A

dını çəkdiyimiz hücumçu 17-ci dəqiqədə müldafiənin arxasına ötürülən topu qəbul edərkən, onu əliylə önünə atıb və qapının uzaq küncünü nişan alıb, referi Murad Səlimov heç nə olmamış kimi mərkəzi göstərib.

Bundan 13 dəqiqə əvvəl isə Famil Camalovun penalti vuruşunun qapı tirinə dəyməsini qeyd edək.

«Füzuli» ötən həftələrdə olduğu kimi, yenə müdafiədə çoxsaylı boşluqlarla yadda qalıb. Xətalarla saymaqla qurtarmaq olmaz.

«Şahdağ» iki-üç ötürməylə qonaqların qapısı önündə görünürdü. Belə epizodlarda bəzən tələskənlik, bəzən yubanma hesabın artmasına mane olurdu.

Açığı, Qusar komandasının irihesablı qələbəyə ürəkdən can atmadığı da ara-sıra hiss edilirdi. İstəsəydilər, aradakı fərqi 7-8 topa çatdırardılar.

«Füzuli» epizodik hallarda suyun üzünə çıxır, «mən də buradayam» mesajı verirdi. Əlbəttə, bununla heç nə etmək olmazdı və olmadı da.

SPORTİNFO.AZ

“Şahdağ Qusar” – “Füzuli” 1:0
Qol: Tural Qurbatov, 17
Qolla nəticələnməyən penalti: Famil Camalov, 4
Şamaxı OİK stadionu. 10 tamaşaçı
Baş hakim: Murad Səlimov
Baş hakimin köməkçiləri: Anar Bədəlov, Nurlan Əhmədzadə
Dördüncü hakim: Maqsud Şamıyev
Hakim-inspektor: Munis Abdullayev
AFFA nümayəndəsi: Məmmədəli Məmmədov
Sarı vərəqə: Yusif Cəfərov, 48 (qeyri-idman hərəkəti)
Artırılan vaxt: I hissədə - 1 dəq; II hissədə - 2 dəq.

“Şahdağ Qusar”: 12. Rafiq Kərimov 15. Nodar Məmmədov 14. Rahid Əmirquliyev (k) 11. Tural Qurbatov 19. İlyas Səfərzadə 17. Emin Quliyev (88. Mehdi Rəsulov, 46) 70. Ruslan Hacıyev 9. Famil Camalov (21. Ruslan Ağalarov, 66) 4. Rubin Seyidov 71. Cavid Quliyev 77. Ədilxan Qarəhmədov
Ehtiyat oyunçular: 1. Babək Allahverdiyev 99. Elmar Əzizov 8. Fərman Qənbərov 7. Salman Atluxanov 44. Afin Bağırov 6. Vüsal Hüseynov 30. İlkin Mikayılov 55. Firuz Əhmədov 38. Said Əliyev
Baş məşqçi: Elnur Abdullayev

“Füzuli”: 1. Məhərrəm Məmmədli 7. Ruslan Poladov 77. Sabir Allahquliyev 10. Vüsal Tahirov (k) 88. Kənan Məmmədov 11. Fuad Məmmədzadə 6. Elçin Əliyev (44. Elmir Xəlilov, 78) 23 Yusif Cəfərov 17. Hacı Rüstəmov 2. Samir Əliyev 5. Bayram Paşazadə
Ehtiyat oyunçular: 12. Elcan Sarıyev 25. Şaməddin Rüstəmov 3. Vurğun Həsənzadə 18. Fərhad Salamzadə 4. Murad Mehdiyev 9. Mübariz Hüseynzadə 21. Samur-Xan Aslanxanov
Məşqçi: Xəqani Quliyev