II Liqanın 10-cu turunda iki problemli komanda - «Füzuli» ilə «Saatlı-Araz» Şamaxıda üz-üzə gəlib.

Maliyyə çətinliyi yaşayan kollektivlərin mücadiləsi kifayət qədər maraqlı keçib.

Tərəflər sanki bütün sıxıntılarını unutmaq üçün meydanda var qüvvəsiylə mübarizə aparıb. Təbii ki, fiziki və funksional hazırlıqlarının imkan verdiyi qədər.

Hər iki hissədə qapılar ağzında bol sayda qol epizodu yaradılıb. «Fuzuli»dən Hacı Rüstəmov hesabı erkən açıb, fasilədən bir qədər sonra isə «Saatlı-Araz» geridönüş edib.

Qonaqların qaçırdığı fraqmentlər isə bir başqa mövzudur.

Videoya baxsaz, görərsiz ki, 5 futbolçu bir epizodun davamında topu qapıdan necə keçirə bilmir. İstəyirsən, gül, istəmirsən, ağla - ikisindən biridir.

Belə anları «Füzuli»lilər də yaşadı. Amma «Araz»ın boşa verdiyi təhlükəli vəziyyətlərin sayı daha çox idi.

Son 10-13 dəqiqəyə də diqqət ayırmaq lazımdır. Hacı Rüstəmov dublunu rəsmiləşdirdisə də, Həmzə Əliyev «Araz»ı qələbəyə daşıdı.

Beləcə, çempionatdakı qələbələrinin sayını 4-ə çatdıran Saatlı komandası 13 xalla turnir cədvəlinin 8-ci pilləsinə «dırmanıb». Passivində 12 məğlubiyyət olan «Füzuli» isə 4 xalla sonuncudur.

SPORTİNFO.AZ

“Füzuli” – “Saatlı-Araz” 2:3
Qollar: Hacı Rüstəmov, 6, 83 // Elariz Xəlilli, 68; Xəyal Bədirov, 71; Həmzə Əliyev, 90+1
Şamaxı OİK stadionu. 10 tamaşaçı
Baş hakim: Səbuhi Bayramov
Baş hakimin köməkçiləri: Sənan Atayev, Gülnurə Əkbərzadə
Dördüncü hakim: Emin Abdullayev Hakim-inspektor: Asim Xudiyev
AFFA nümayəndəsi: Bəhram Qurbanov

Sarı vərəqələr: Hacı Rüstəmov, 49 (qeyri-idman hərəkəti) // Qurban Hüseynov, 13 (qeyri-idman hərəkəti); Xəyal Bədirov, 49 (qeyri-idman hərəkəti); Ramin Süleymanov, 74 (oyunun bərpasının ləngidilməsi)
Rəsmi şəxsə göstərilən sarı vərəqə: Şəhriyar Məmmədov, 74 (hakimin qərarına etiraz)
Artırılan vaxt: I hissədə - yoxdur; II hissədə - 3 dəq.

“Füzuli”: 1. Məhərrəm Məmmədli 7. Ruslan Poladov 77. Sabir Allahquliyev 10. Vüsal Tahirov (k) 88. Kənan Məmmədov 11. Fuad Məmmədzadə 23 Yusif Cəfərov 17. Hacı Rüstəmov 2. Samir Əliyev 5. Bayram Paşazadə 18. Fərhad Salamzadə (6. Elçin Əliyev, 89)

Ehtiyat oyunçular: 12. Elcan Sarıyev 25. Şaməddin Rüstəmov 3. Vurğun Həsənzadə 44. Elmir Xəlilov 4. Murad Mehdiyev
Məşqçi: Xəqani Quliyev

“Saatlı-Araz”: 12. Teymur Hüseynov 19. Rəsul İbrahimov 7. Xəyal Bədirov (k) 5. Qurban Hüseynov 15. Cavid Əliyev 8. Ramin Süleymanov 17. Elariz Xəlilli 6. Həmzə Əliyev 44. Ramiz Qasımov 4. Loğman Əliyev 49. Pərviz Eyvazov (24. Ülvi Əvəzov, 84)
Ehtiyat oyunçular:
Baş məşqçi: Şəhriyar Məmmədov