II Liqada 10-cu tur arxada qalıb.

Son iki turda məğlubiyyətlə üzləşən və Vüqar Nadirovla yollarını ayıran «Hypers» yeni baş məşqçisi ilə ilk «imtahan»ını verib.

Zaur Hidayətovu görəvə gətirən Quba komandası doğma şəhərdə «Qusar»la üz-üzə gəlib.

Şimal derbisi ev sahiblərinin 6:0 hesablı qalibiyyəti ilə başa çatıb. Hesab erkən açılıb, artıq 8-ci dəqiqədə Cavid İmamverdiyev darmadağının əsasını qoyub.

Ardınca Ravil Yusifli başla maraqlı qola imza atıb. «Hypers» fasiləyədək daha iki dəfə fərqlənib.

Qubalılar ikinci yarıda daha 2 qol vurub. Bu, iki yox, 5-6 da ola bilərdi.

Cavidin özü də daxil, «Hypers» qol epizodları ilə pis «rəftar etdi», onları dəyərləndirmədi.

«Qusar» böyük hesabla uduzsa da, oyunun birqapıya getməsini deməzdik. Kamran Əlibabayevin çalışdırdığı komanda komandaya bənzəməsə də, ilk yarıda nələrsə etməyə çalışdılar.

Əvvəla, ötən mövsümdən II Liqada yarışan Qusar təmsilçisi ilk dəfə Qubada qırmızı rəngdən imtina eləmişdi. Bu dəfə göy forma geyinmişdilər.

Rəng dəyişimini düz eləyiblər, qırmızı forma yuyulmaqdan bozarmışdı. Göyə keçid vaxtı isə Əlibabayev ciddi yanlışa yol verib.

Gərək forma təqdimatı zamanı futbolçulara bəxt duası da yazdırardı. Görünür, yadından çıxıb.

Bu unutqanlıq «Qusar»lılara ağır oturdu. Fasiləyə qədər üç-dörd epizodda qolun iyini alsalar da, onun sevincini dada bilmədilər.

«Hypers»in qapıçısı Fərman Bayramov ayıq-sayıq tərpəndi.

SPORTİNFO.AZ

“Hypers” – “Qusar” 6:0
Qollar: Cavid İmamverdiyev, 8, 41; Ravil Yusifli, 14; İlqar Ələkbərov, 44; Nurlan Novruzov, 67; Nail Təhməzli, 84
Quba OİK stadionu. 50 tamaşaçı
Baş hakim: Vüqar Həsənli
Baş hakimin köməkçiləri: Asiman Əzizli, Aydın Bəxşiyev
Dördüncü hakim: Rasim Musayev Hakim-inspektor: Gülağa Cabarov
AFFA nümayəndəsi: Azər Əsgərov
Sarı vərəqə: Viqar Əlibabayev, 12 (qeyri-idman hərəkəti)
Artırılan vaxt: I hissədə - yoxdur; II hissədə - yoxdur.

“Hypers Guba”: 35. Fərman Bayramov (98. Elxan Qasımov, 50) 10. Cavid İmamverdiyev (k) 5. Ramil Əhmədov 19. Nurlan Novruzov 14. İlqar Ələkbərov (49. Valeh Məmmədov, 75) 11. Nicat Abbasov 13. Məqsum Qənbərli 25. Baxşəli Baxşəliyev 9. Ravil Yusifli (17. Nail Təhməzli, 67) 7. Elşən Veysov 44. Rəhim Cəfərov (8. Hüseyn Mənəfli, 46)
Ehtiyat oyunçular:
Baş məşqçi: Zaur Hidayətov

“Qusar”: 22. İmran Məhərrəmov 15. Firudin Ağalarov (88. Turan Babayev, 47) 21. Orxan Qurbanlı 95. Eşqin Tağıyev (30. Ruslan Kiçibəyov, 73) 10. Osman Osmanov 77. Mirmehdi Rzayev 13. Viqar Əlibabayev (k) (38. Tərlan Salmanov, 61) 17. Elnur Dəmirli (37. Faik Ağakərimov, 46) 7. Kazbək Qafarov 9. Kamal Həsən-pur (18. İlham Yarəliyev, 73) 3. Murad Hüseynov
Ehtiyat oyunçular: 99. Manaf Bədəlov 16. Denis İsmixanov
Baş məşqçi: Emin Əmiraslanov