Vüqar Nadirovla yollarını ayıran «Hypers»in yeni baş məşqçi axtarışı uzun çəkməyib.
II Liqa təmsilçisi vakant postu Bəhram Şahquliyevə tapşırıb.
O, mövsümün sonunadək Quba komandasını çalışdıracaq. Qusarlı çalışdırıcının qarşısına I Liqaya vəsiqə uğrunda mübarizə aparmaq vəzifəsi qoyulub.
II Liqanın debütantı 9 tura 18 xal toplayıb. Mövsümün geridə qalan hissəsində 6 qələbə əldə edən və 3 dəfə məğlubiyyətlə üzləşən şimal komandası turnir cədvəlinin 4-cü pilləsində qərarlaşıb.
Bu çempionat Bəhram Şahquliyevə tanışdır. O, ötən mövsümün ikinci yarısınadək «Şahdağ Qusar»ın sükanı arxasında dayanıb.
Yayda isə yenidən «Zirə»yə qayıdıb. 2014-2015-ci illərdə «qartallar»la I Liqada debüt etmiş məşqçi «Hypers»dən təklif gələnə kimi akademiyada fəaliyyət göstərib.
SPORTİNFO.AZ
.jpg)
