II Liqada doqquzuncu turun ən maraqlı oyunlarından biri Siyəzəndə keçirilib.
Ev oyunlarını burada keçirən «Şimal» «Saatlı-Araz»ı qəbul edib.
Xaçmaz təmsilçisi hər hissəyə 1 qol vurub.
Maliyyə problemləri ilə üzləşən, üzərinə götürdüyü öhdəlikləri yerinə yetirə bilməyən, bu səbəbdən aparıcı futbolçularından bir neçəsiylə vidalaşmaq məcburiyyətində qalan, səfərə cəmi 11 nəfərlə çıxan saatlılar yalnız fasiləyədək «Şimal»a müqavimət göstərib.
İlk yarıda 2-3 real epizod yaxalayan qonaqlar Elariz Xəlilli və Həmzə Əliyevlə şansları qaçırıb.34-cü dəqiqədə Tofiq Nəsibov «Araz»ın müdafiə xəttini barmağına dolayaraq, maraqlı qol vurub.
İkinci hissədə «Araz»ın qapısı önündə təhlükəli anlar bir-birini əvəz edib. Qaçmağa heyi qalmayan, topu saxlamağa gücü çatmayan «Araz»ın qapısını Teymur Hüseynova etibar etməsinə peşman olmamalıdır.
22 yaşında bu çempionatda debüt mövsümü keçirməsinə baxmayaraq, Saatlıdan olan kiper yaxşı təsir bağışlayıb, dəfələrlə yoldaşlarının səhvlərini sığortalayıb.
69-cu dəqiqədə künc zərbəsindən sonra buraxdığı qolu da ona bağışlamaq olar. Hələ nə yaşı var, öyrənəcək.
SPORTİNFO.AZ
“Şimal” – “Saatlı-Araz” 2:0
Qollar: Tofiq Nəsibov, 34; Sabir Əlişan, 69
Siyəzən şəhər stadionu. 15 tamaşaçı
Baş hakim: Kamran Əliyev
Baş hakimin köməkçiləri: Kərim Zeynalov, Elmin Süleymanov
Dördüncü hakim: Niyaz Əhmədov
Hakim-inspektor: Munis Abdullayev
AFFA nümayəndəsi: Eldar Məmmədov
Sarı vərəqələr: Məhəmməd Ağayev, 73 (qeyri-idman hərəkəti) // Qurban Hüseynov, 21 (qeyri-idman hərəkəti)
Artırılan vaxt: I hissədə - yoxdur; II hissədə - yoxdur.
“Şimal”: 1. Natiq Daşdəmirli 18. Tural Cəlilov (k) 5. İqrar Səmədov (17. Cavad Hacıyev, 23) 7. Emin Əsəkərov (9. Şahlar Sədiyev, 65) 13. Qeybulla Kaçayev (6. Məhəmməd Ağayev, 65) 14. Sabir Əlişan 16. Amil Məmmədov 44. Tofiq Nəsibov (15. Elmar Babayev, 76) 8. Pirverdi Seyidov 77. Ceyhun Kəlbəliyev 25. Tərlan Vəlimətov
Ehtiyat oyunçular: 4. Ülvi Zeynalov 11. Mirzə Bayrampur 19. Şükür Ağabəyov 22. İbrahim İmamhüseynov
Baş məşqçi: Rəcəb Mahmudov
“Saatlı-Araz”: 12. Teymur Hüseynov 19. Rəsul İbrahimov 7. Xəyal Bədirov (k) 5. Qurban Hüseynov 15. Cavid Əliyev 8. Ramin Süleymanov 17. Elariz Xəlilli 6. Həmzə Əliyev 4. Loğman Əliyev 24. Ülvi Əvəzov 49. Pərviz Eyvazov
Ehtiyat oyunçular:
Baş məşqçi: Şəhriyar Məmmədov
