.jpg)
II Liqada 4-cü tura start verilib.
"Saatlı-Araz" Şirvan şəhərində "Şahdağ Qusar"ı qəbul edib.
Qarşılaşma şimal bölgəsi təmsilçisinin 2:0 hesablı qələbəsi ilə başa çatıb.
Oyunun gedişi ilə nəticənin üst-üstə düşdüyünü söyləməliyik. Nominal ev sahiblərindən daha istəkli görünən qonaqlar 2 yox, daha artıq qol vura bilərdi.
Hərçənd «Araz» müdafiədə çoxluq yaratmaqla, onların işini çətinə salmağı qarşısına məqsəd qoymuşdu.
Şəhriyar Məmmədovun çalışdırdığı komandanın qələbə qazanmaq niyyəti yox idi, maksimum məqsədləri 1 xal qoparmaq idi.
39-cü dəqiqədə onların planları pozuldu. Famil Camalova qarşı kobudluğa görə təyin edilən penaltini qola çevirən Ədilxan Qaraəhmədov hesab pərdəsini araladı.
Fasilədən sonra da «Şahdağ»ın ifasında müxtəlif hücumlar izlədik. Ara-sıra irəli atılan «Araz»dan fərqli olaraq, qusarlılar düşünülmüş həmlələrlə qol arayırdı.
Bir epizodda penaltiləri verilməsə də, Ruslan Ağalarov 69-cu dəqiqədə toru silkələməyə fürsət tapdı.
Xallarını 12-yə yüksəldən "Şahdağ " turnir cədvəlinin 1-ci pilləsində qərarlaşıb. 7 xalı olan "Saatlı-Araz" isə 3-cü yerdədir.
SPORTİNFO.AZ
"Saatlı-Araz" - "Şahdağ Qusar" 0:2
Qollar: Ədilxan Qaraəhmədovv, 39 (pen), Ruslan Ağalarov, 69
