!["Qiymətlər kəskin artıb, üç-dörd dəfə artıq maaş istəyirlər"](https://www.sportinfo.az/media/2024/08/18/464441866326246177fe.jpg)
«Komandaya dörd-beş legioner götürmək fikrimiz var».
Bu sözləri Sportinfo.az-a açıqlamaısnda «Karvan»ın baş məşqçisi Kənan Kərimov deyib.
O, I Liqada növbəti mövsümə hazırlıqla bağlı əməkdaşımızı məlumatlandırıb.
Yevlax təmsilçisinin çalışdırıcısı bildirib ki, ötənilki heyətdə forma geyinən legionerlərdən yalnız 1-ni düşərgədə saxlayıb:
«Kinqdən başqa hamısını yola salmışıq. «Kəpəz»dən qanalı yarımmüdafiəçi Ezekiel Morqanı birillik icarəyə götürmüşük.
İndiyədək səkkiz-doqquz legioneri baxışdan keçirmişik. Bəyəndiyimiz olmayıb. Qarşıdakı günlərdə başqaları gəlməlidir.
Ümumiyyətlə, yayda çoxunu komandadan yola salmışıq. Yeddi-səkkiz yerli uşaqla müqavilə bağlamışıq.
Problem, bilirsiz, nədən ibarətdir? Yerli futbolçuların qiyməti kəskin artıb.
Keçən mövsüm aldıqlarından üç-dörd dəfə artıq maaş istəyirlər. Ona görə də transfer bazarında rahat hərəkət etmək olmur».