I Liqada 10-cu tur arxada qalıb.

Çempionluq uğrunda mübarizəni davam etdirən «İmişli» doğma rayonda «Difai»ni sınağa çəkib.

Oyun stadiona 1300 azarkeş toplayıb. Fanatların səs-küyü şəraitində keçən qarşılaşmada qapılara cəmi 1 qol vurulub.

Seyxan Fərəcov ikinci hissənin əvvəlində ev sahiblərinə qələbə gətirən yeganə qolu vurub.

Matçı iki yerə bölmək olar: fasiləyə qədər və ondan sonra.

İlk yarıda gərgin mübarizəyə şahidlik etdik. Son iki turda 4 xal toplayan «Difai» 45 dəqiqə iddialı rəqibinə layiqli müqavimət göstərdi.

Xaqani Məmmədovun çalışdırdığı komanda hər top uğrunda döyüşdü, «İmişli»nin rahat oynamasına əngəl oldu.

Düzdür, aran təmsilçisi bu ərəfədə iki qol vurdu, amma ofsayd olduğu üçün referi Rövşən Rəcəbov onları hesaba almadı.

Hər iki tərəf cinah keçidlərinə üstünlük verirdi. İmişlilər əsas həmlələri Əzəmət Ələkbərlinin mövqeyi üzərindən təşkil edirdisə, «fədailər» üçün bunun fərqi yox idi.

Harada boşluq görürdülərsə, topu da o istiqamətə çevirirdilər. Kristian Kamta-Xəyyam Məmmədli-Məhəmməd Alfa triosu irəlidə fəal görünsə də, ayrı-ayrı məqamlarda fərdi oyuna üstünlük vermələri «Difai»nin daha təhlükəli hücumlar təşkil etməsinə imkan yaratmadı.

İkinci hissədə «İmişli» üstünlüyü iam ələ aldı. Daha sürətli və aqressiv oynadılar.

Fərəcovun qoluyla önə keçən ev sahibləri taktikanı dəyişməklə, «fədailər»i daha böyük qüvvə ilə ilə çıxmağa təhrik etdilər.

1:0 məntiqi yekun deyil: «İmişli»nin fərqi artırmaq üçün ortalama 4-5 fürsəti də var idi. Sahib Həsənovun sayıqlığı qoruması topun bir neçə epizodda qapı xəttindən keçməsinə «yox» dedi.

Pedro Enrike Alves, Dioqo Vaskes və Həzrət İsayevin qol sevinci yaşamasına isə mane olan yox idi - özlərindən başqa.

SPORTİNFO.AZ

"İmişli" - "Difai" 1:0

Qol: Seyxan Fərəcov, 47
H.Əliyev adına İmişli şəhər stadionu. 1300
tamaşaçı
Baş hakim: Rövşən Rəcəbov
Baş hakimin köməkçiləri: Orxan İbişov, Rasim Axundov
Dördüncü hakim: Murad Səlimov
Hakim-inspektor: Ramil Diniyev
AFFA nümayəndəsi: Elçin Məmmədov
Sarı vərəqələr: İdris İnqilablı, 54 (qeyri-idman hərəkəti) // Əzəmət Ələkbərli, 32 (qeyri-idman hərəkəti); Tolqar Yaqubov, 85 (qeyri-idman hərəkəti)
Rəsmi şəxsə göstərilən sarı vərəqə: Zeynalabdin Hüseynov (“İmişli”), 87 (hakimin qərarına etiraz)
Artırılan vaxt: I hissədə - 2 dəq.; II hissədə - 4 dəq.

“İmişli”
33. Andrey Sinenka
3. Tərlan Quliyev (k)
42. Elnur Cəfərov
(29. Vüsal Qənbərov, 76)
21. Abbas Ağazadə
(6. Xəyal Tomarov, 90)
30. Nəbi Məmmədov
7. Pablo Enrike Alves
13. İdris İnqilablı
11. Seyxan Fərəcov
(9. Xəlil Bəşirov, 82)
70. Mehdi Tahirov
23. Dioqo Vaskes
44. Həzrət İsayev
Ehtiyat oyunçular:
1. Əyyub Əliyev
36. Elməddin Sultanov
19. Fazil Həsənzadə
10. Bahadur Həziyev
17. Əsgər Hüseynov
99. Cavidan Qasımlı
Baş məşqçi: Fərid Namazov

“Difai”
1. Sahib Həsənov
6. Əzəmət Ələkbərli
55. Seymur Əliyev (k)
27. Tolqar Yaqubov
73. Bəşir Ayralov
2. Seymur Rəhimov
77. Əli Mürsəlov
(90. İlham Allahverdiyev, 55)
8. Emil Quluzadə
(24. Rəvan Əvəzov, 89)
9. Kristian Kamta
(17. Riad Abbaszadə, 79)
32. Xəyyam Məmmədli
(10. Tahir Zeynalov, 79)
19. Muhamməd Alfa
Ehtiyat oyunçular:
85. Nail Alışov
5. Kamil Hüseynov
44. Sərcan Omarov
3. Əbil Əbilov
11. Sənan Ağayev
66. Arzu Atakişiyev
Baş məşqçi: Xaqani Məmmədov