.jpg)
Bu il ilk dəfə I Liqada yarışacaq «Baku Sportinq»in ev oyunlarını harada keçirəcəyi müəyyənləşib.
Buzovna klubu rəqiblərini təmsilçisi olduğu qəsəbənin yeni təmirdən çıxmış stadionunda qəbul edəcək.
Peşəkar Futbol Liqasının nümayəndələri yaxın günlərdə bura baxış keçirəcək, görüləcək işlərlə tanış olacaq.
Belə götürəndə, hər şey hazırdır. İki il öncə yenidən qurulmasına start verilən arenada bir çox iş görülüb.
Təbii qazon salınıb, tribuna tikilib, əraziyə su çəkilib, artezian quyusu qazılıb, soyunub-geyinmə və hakimlər otaqları bərpa olunub, yardımçı bina hazır vəziyyətə gətirilib.
Yaxın günlərdə isə «sky-box» istifadəyə veriləcək.
3 yanvar tarixində 26 il sonra Buzovnaya böyük futbol qayıdıb.
Qəsəbə təmsilçisi "Xəzri" 1998-ci ildə "Gənclik" stadionunda axırıncı dəfə rəsmi ev matçında meydana çıxdıqdan sonra dağılmışdı. Aradan 26 il keçib.
SPORTİNFO.AZ
