Bu gün I Liqada 20-ci tura yekun vurulacaq.
Sportinfo.az xəbər verir ki, hesabat həftəsinin son oyun günündə iki qarşılaşma keçiriləcək.
Lider “Qəbələ” Binədə “Baku Sportinq”in qonağı olacaq. Bölgə təmsilçisi səfər görüşündə qələbə qazana bilsə, çempionatdakı ilk üç yeri – həmçinin Premyer Liqaya vəsiqəni təmin edəcək.
Çünki qələbə təqdirində “Qəbələ” 4-cü sıradakı “Baku Sportinq”lə xal fərqini 23 xala yüksəldəcək.
Bundan sonra isə mövsümün sonuna 7 tur qalacaq və “Qəbələ” 4-cü sıradakı rəqibi üçün əlçatmaz olacaq.
Bu mövsüm I Liqadan 3 komanda Premyer Liqaya vəsiqə qazanacaq. Hazırda “Qəbələ” 49 xalla turnir cədvəlinə başçılıq edir.
“Baku Sporting” – “Qəbələ”
Hakimlər: Əli Əliyev, Vüqar Bayramov, Samir Qaracayev, Murad Səlimov
Hakim-inspektor: Babək Quliyev
AFFA nümayəndəsi: Zaur Hacı-Məhərrəmov
Binə qəsəbə stadionu, 16:00
