Füzuli Məmmədovun "Mingəçevir"də günləri uzun çəkməyə bilər.
Artıq mətbuatda istefaya göndəriləcəyi barədə informasiyalar görürük.
Əsas səbəb isə adının davamlı olaraq qalmaqallarda çəkilməsidir.
Kollektiv kimi, rəhbərlik də çalışdırıcının əməllərindən cana doyub.
Yayılan məlumatlar arasında hətta klub başbilənlərinin Məmmədovu əvəz edəcək mütəxəssislərlə danışıqlara start verdiyi deyilir.
Amma klub yaydığı rəsmi məlumatla və baş məşqçi Füzuli Məmmədov isə mətbuata verdiyi açıqlamada yayılan iddiaları yalanlayıb.
Təbii ki, yalanın ömrü indi heç 40 gün də çəkmir.
Çox keçməz hər şey aydınlığa çıxar. Məlum olar ki, mətbuat deyən həqiqətdir, yoxsa klub və baş məşqçinin danışdıqları.
Bizə maraqlı olanı isə başqa məqamdır.
Əgər yazılanlar yalandısa, klub və baş məşqçi niyə bu qədər narahatdır? Düz olmayan məlumata görə bəyanat yazmağa və ya açıqlama verməyə nə ehtiyac var?
Bizə çatan informasiyaya görə Məmmədov özü şəxsən bundan maraqlı olub. Klubun mətbuat xidmətindən belə bir bəyanat yaymasını xahiş edib.
Bu lap "soğ yeməmisən, için niyə göynəyir" məsələnə oxşadı.
Görünür, həqiqətən torbada pişik var. "Neftçi"nin sabiq baş məşqçisi son çabalarını göstərir. Ki, yüksək maaşla lövbər saldığı postunda ömrünü bir qədər də uzatsın. Nə qədər çəkəcəyini zaman göstərər.
SPORTİNFO.AZ
