AFFA İntizam Komitəsi “Qaradağ Lökbatan”ın həkimi Xəyal Alızadəni və futbolçusu Əli Kərimovu cəzalandırb.
Sportinfo.az PFL-in saytına istinadən xəbər verir ki, komitənin bugünkü iclasında belə qərar qəbul edilib.
1-ci liqada 13-ü turun “Mingəçevir”lə matçının 75-ci dəqiqəsində “Qaradağ Lökbatan”ın həkimi Xəyal Alızadə hakimləri təhqir edib və birbaşa qırmızı vərəqə alıb.
O, bu səbəbdən də 5 oyunluq cəzalandırılıb. “Qaradağ Lökbatan” hadisəyə görə 400 manat cərimə edilib.
Eyni matçın 76-cı dəqiqəsində “Qaradağ Lökbatan”ın 1 nömrəli futbolçusu Əli Kərimov qeyri-etik ifadə və ya hərəkətə görə birbaşa qıırmızı vərəqə aldıqdan sonra hakimləri təhqir edib.
AFFA İntizam Komitəsi buna görə onu 4 oyunluq cəzalandırıb. Klub isə 300 manat cərimələnib.
