"Qəbələ” növbəti yoxlama oyununu keçirib.
Sportinfo.az xəbər verir ki, “qırmızı-qaralar” mövsümün ikinci hissəsinə hazırlıq çərçivəsində “Qaradağ Lökbatan”la üz-üzə gəlib.
Bu, Kaxaber Tsxadadzenin komandasının qış fasiləsində ikinci matçı olub.
Qarşılaşma Binə qəsəbə stadionunda keçirilib. Hər hissədə bir qol vuran "Qəbələ" 2:0 hesablı qələbə qazanıb.
İlk hissədə Elşad Tağıyev hesabı açıb. Fasilədən sonra Domi Massoumou fərqi artırıb. Beləliklə, “qırmızı-qaralar” 2025-ci ildəki yoxlama oyunlarında ardıcıl ikinci qələbəsini qazanıb.
Hazırlığa yanvarın 9-da start verən “Qəbələ” ilk yoxlama oyununda “Mingəçevir”ə 4:0 hesabı ilə qalib gəlib.
