Azərbaycanlı qapıçı Elməddin Məmmədovun legioner həyatı başa çatıb.
Vaxtilə Qırğızıstanda “Alqa” və “Calal-Abad”ın, Gürcüstanda “Tsxinvali”nin, Maltada “Sent-Endryus”in, Maldiv adalarında “TC Sports Club”un şərəfini qorumuş qolkiper bu dəfə Bosniya və Herseqovinadan ayrılıb.
30 yaşlı həmyerlimiz birinci liqa təmsilçisi "Yedintsvo Bihac"la müqaviləsini uzatmayıb.
2023-cü ildə “Araz-Naxçıvan“la I Liqanın çempionu olmuş “əlcək sahibi“ bundan sonra vətəndə çıxış edəcək. O, adı son vaxtlar oyun alqı-satqısına qarışmış “Mingəçevir“lə yayadək müqavilə imzalayıb.
SPORTİNFO.AZ
